کوردى رهسهن ئهتتونى
يهك جاره پيسارت نهکهرد شهبهك چى که ندۆ ئه مان
بريار بده ونه ته رســــــــه ئـارۆ رۆ حه يير نه مان
ته رسى بشـــــۆر چه دلت دا نه مانى په شــــــــيمان
کاروانى ته رســـــــى ئاپۆ به رێگۆ نمه لۆ بــــــــزان
شاکه ره کێ خاســـه لات وکا دلسـيچت چى که ندان
يهك جاره پسارت نهکهرد چى که ندۆ لات ئى زوان
مه يديگه ل كێبيشـــــــــــــا ئورزه مێژووشــــــا بوان
کێنه شـــــــــــــکاك وزرار کێن داودى و رۆژبهيــان
کێ کاکهيى و زهنگه نه ن وسماييل وه ند وبــاجه لان
ئورگێله لا ئاڤيســـــته ى ب چى زوانيۆ يازميز کيران
زاره زلال و زهنگين ماچۆييى کوردى گـــــــــــۆران
خوزى بيلى خانه قيــــــن خوزى بهريت هۆرهمــــان
ئه گه ر نه واتت به نه م بـابه ما چيندۆ ئه مـــــــان
دى شــا نامى هۆزگه لت کا به چى زوانيۆ ئهرنيان
تۆبزاوا وبازگــــرتـــــــان وکانينۆ ونـــــــــــــاوهران
ئوشمارى لات حه تا دهه شاشکه ره چقه ئه شکه ران
نامى ئه ندامانى له شـــــت وکامن ئه ندامه ت ته ينان
بزانـــه زوانت بـــــــرام نهره سته لات چ عه سـمان
وه نه چێر بوتته ى ئه مــان وه نه برۆنيان چه گيلفان
کورده نى ئه تتو بـــــرام کوردى ره سه ن بێ گومان
هيۆت نه ربره چى ميللهتت هێزدار و گه وره بــــمان
ئه گهر ئه تتو کورد نه بى بزانـــــه کى کورد نيـــان
بهدهنگى بهرز گالبده ودهنگت بيششۆ نهعســــــــمان
بهدهنگى بهرز گالبده بژى کورد وکوردســــــــــــتان
ـــــــــــــــــــــــــــــــــــــــــــــــــــــــــــــــــــــــــــــــ