چونکی دونیا فانیه‌ن ده‌وران مه‌لیۆ
ئونه مێرده‌ن کی بیلۆ مفلس نه‌لیۆ
بمال و ئه‌لاد فه‌رح نه‌به برا
هۆیی فه‌رحی ئیللا بگنۆ موبته‌لا
خودا واته‌نش چ قورئان المبین
ان الله لا یحب الفرحین
چه‌نی خه‌لکی قسه خاس به قسه خۆش
مه‌قه‌تی هێت به نه به ب ئاخره‌ت فرۆش
واته‌نش پیاغه‌مبه‌ری ئاخر زه‌مان
دۆستت هه‌زابۆ دشمه‌نت ئیکێ فران
دۆستت دۆست که‌ر و دوشمه‌نت که‌ر بدۆست
کا ئی نه‌فسی ئه‌مماره نه‌دۆت نه کوشت
چوه‌رره‌کی مه‌رده به‌یۆ یۆت که‌ره مه‌رده
حیسابی خێری شه‌رری چیندا بده
خودا واته‌نش موتوا قبل ان تموتوا
ئه‌گه‌ر ئینسانه‌نی فام که‌ره ئه‌تو
هه‌لا فورسه‌ت بده‌ستتۆن خانت ئۆکه‌ر
مه‌تاعت بفره‌شه دوکانت ئۆکه‌ر
عه‌به‌ث نه‌وه ئی سوره‌ت قه‌دد و قامه‌ت
مه‌گۆش چه‌نه‌ت رۆچه‌ی نماز عیباده‌ت
چێش که‌ری چه‌نی کلیکگه‌لی ده‌ستی تاک و تاک
پاگه‌لت شهاهدی مه‌دۆ سه‌رت بتاک
مادام چ وجودت هه‌نده‌ن شهادت
کاندۆ خلاس مه‌بی باچه جه‌وابت
ئی دونیا فانی یه‌ن ده‌وران مه‌لیۆ
هه‌ر چینی بگیریش ئی دونیا پێک مه‌بۆ
ئه‌ما ئوندا پێک نمه‌بۆ ئه‌ی عه‌زیز
مه‌گۆش چه‌نه‌ت عه‌مه‌ل صالح ته‌مییز
ئوندا یانگه حه‌سه‌ب نه‌سه‌ب نه‌وه
نمه‌زانۆ سه‌ییده‌ن یا عاممیه‌ن
ئوندا یانگه عه‌مه‌ل خاسه‌ن بزان
ئه‌لا هێت چارێ که‌ره ئه‌ی بوسلمان
ئوندا یانگه عه‌مه‌لی کی صالحه‌ن
ئونه صالحه‌ن کی برزقش قانعه‌ن
کۆه که‌مه‌ر سررو و سیم ببۆ ببیل
گیشت لات بۆ یا بنی ئاده‌م زێر نمۆری ئیللا چ بیل
نه حارسی حرسی دونیا خاس نه‌وه
یانگه حارسیی نیران جهه‌ننه‌مه
دونیا ماره‌ن مار بی زه‌هر نمه‌بۆ
هه‌ر کێکی بگه‌زۆ چارش نمه‌بۆ
ئه‌ووه‌لش نیشان مه‌دۆ نه‌قش و نیگار
باطنش نه‌قشی نیگاری زه‌هری مار
طامعش خامه‌ن مه‌تاعش ئاغییه‌ن
ئینه‌کی لا مۆرۆ چه‌نه عاقله‌ن
ئه‌گه‌ر کی هارۆ قه‌دری یۆت نه‌زانی
ئاخر مه‌گنی نمان حه‌ییر مه‌مانی
مه‌ته‌لێ بارمێ ئه‌لاتان ئه‌ی قه‌ومی خاس
حصه بستانۆ چه‌نه خودای شناس
وه‌هار ئاما سه‌رانسه‌ر ئوکریا گول
به‌نه‌وشه و نه‌رگزی ره‌یحانی سونبول
ئولارۆ بی نه زمی ره‌حمی سوبحان
ئی دونیاش سه‌رانسه‌ر که‌رد باغ و بیستیان
زمی حوشکش ساغۆ که‌رد حه‌ی و قادر
هه‌ر گیاوێ چه‌نه ره‌نگش کۆ بی نادر
چه‌نی ئینسان مه‌بۆ یۆغر طه‌بیعه‌ت
ئی کێفی وه‌هاری نمه‌که‌رۆ ره‌غبه‌ت
چمانه باغی بوستانی مه‌له‌ذذه‌ت
ئونه‌کی حوشک بیشۆ مه‌مرۆ مخه‌ننه‌ت
ئه‌گه‌ر کی ژه‌نگی دلی یۆت نه‌شوری
معه‌ییه‌ن نه‌زانیت قه‌دری وه‌هاری
ئه‌گه‌ر مومنه‌نی مه‌ستانی عیبره‌ت
مه‌لی سه‌رره‌ی عشقی مه‌که‌ری محه‌ببه‌ت
چ محه‌ببه‌تی حاصل بی موحه‌ممه‌د
ئه‌گه‌ر موحه‌ممه‌د نه‌بییایه‌ش نه‌بی ئی ئوممه‌ت
صه‌حیحه‌ن واته‌نش شاهی شه‌ریعه‌ت
مه‌گۆمان چه‌نه‌ش هاریدا و شه‌فاعه‌ت
بحه‌ققش واچینان له‌ولاکه له‌ولاک
موححه‌ممه‌د عه‌لی نه‌بێشا خولق نه‌که‌رێم ئه‌فلاک
چ ذیکری حه‌ق به مه‌ست و حه‌یران
ئه‌گه‌ر مه‌گۆت کی ده‌ردت بۆ ب ده‌رمان
ئه‌گه‌ر چلات نه‌بۆ ذیکری محببه‌ت
یه‌قین بزانه لیوای ده‌رد و حه‌زره‌ت
عیباده‌ت که‌ره شاهم عیباده‌ت
عیباده‌ته‌ن کیشیشش جه‌ننه‌ت
برۆره چ دلی یۆت بوغضی کێنی
یۆت بره‌سنه ب ئۆستای ئه‌هلی یه‌قینی
کا رێگه حه‌ققی نیشانت بدۆ ئو جان
کا بزانی کی چێشه‌ن دین و ئیمان
ئه‌گه‌ر شه‌خصت نه‌بۆ ئه‌لا ئه‌تتی
ساره حه‌ییر مه‌مانی سه‌ری صیراتی
ئه‌گه‌ر رۆچه مه‌بی ب صدق و ئیمان
ئه‌گه‌ر محه‌رره‌م ئه‌گه‌ر ره‌مه‌ضان
ئه‌ووه‌له‌ن چه‌مت رۆچه بۆ دما چه‌می ده‌م
کا شا عه‌رزی خه‌لکی نه‌که‌ری هه‌م
یاره‌ب سه‌یید عه‌گیدی چینی پیرو طالبی
ئه‌تو یا ره‌ببی چما قه‌بری عه‌زابشان نه‌دی
الرئيسية 
