هذه قصیدة للشاعر والمغني عارف الداؤدي
ئينه دونيان شهبهك ماچۆ ئهمن كوردهنی و كهس نمهکهرۆش زيندان
شا نما دهمى مهکهرى ها ئـو زوانهن بـه كهنـدا ليوا بى ئى زوان
زمى وهلاتم چقه ههسرت ئوسپێچنان قسه كهره ئينه شهرمش نيان
ئى ژهنه شوێن كهرێ ئولاين پرچ ئوركێشێ قيرره هورى ئاويلدهى كهس چكهسى خهبهرش نيان
عهرز وعيال چهنى دهغهلى يانهى نما لوريگهلى فره دينان
چما وهلاتم يانيۆ چيندا دووه چوندا شش چولياتهر خراپ كيران
تهیمور لهنگ چ روسيهن ديارة ئهوچێ ئهكاتى ئێمهى يانهش ئودارينان
ب خودا وبحهقى عهبباسى ئهمن نمهبى چهنهشا حوسێن چمانشا كوشينان
حهرام كيرابى نهرهم گرهوا وشوێن وحازر كهرى شام وشيلان
ئهمن شهبهكهنى وشهبهك كورده چ كهنگیۆ ئهمن بهنهم واچينان
زوانما ئيكۆن ئهو ماچۆ نان ئهمن ماچى ئاو ئهو ماچۆ ئاو ئهمن ماچى نان